കാസര്‍ഗോഡ് രാജ്മോഹൻ ഉണ്ണിത്താനെതിരെ പ്രതിഷേധം

കാസര്‍ഗോഡ് രാജ്മോഹൻ ഉണ്ണിത്താനെതിരെ പ്രതിഷേധം
ഹൈലൈറ്റ്സ്

  • കാസര്‍ഗോഡ് നിന്നുള്ള ആളാകും മത്സരിക്കുമെന്ന പ്രതീക്ഷ ജില്ലാ നേതൃത്വത്തിന് ഉണ്ടായിരുന്നു.
  • അപ്രതീക്ഷിതമായ രാജ്മോഹൻ ഉണ്ണിത്താനെ സ്ഥാനാര്‍ത്ഥിയാക്കിയതാണ് നേതൃത്വത്തെ ചൊടിപ്പിച്ചത്.
  • കാസര്‍ഗോഡ് മണ്ഡലം ലഭിച്ചത് നിയോഗമാണെന്ന് രാജ്മോഹൻ ഉണ്ണിത്താൻ
കാസര്‍ഗോഡ്: കാസര്‍ഗോഡ് മണ്ഡലത്തിൽ നിന്ന് സ്ഥാനാര്‍ത്ഥിയായി രാജ്മോഹൻ ഉണ്ണിത്താനെ പ്രഖ്യാപിച്ചതിനു പിന്നാലെ പ്രതിഷേധവുമായി കാസര്‍ഗോഡ് കോൺഗ്രസ് നേതൃത്വം. കാസര്‍ഗോഡ് നിന്നുള്ള ആളാകും മത്സരിക്കുമെന്ന പ്രതീക്ഷ ജില്ലാ നേതൃത്വത്തിന് ഉണ്ടായിരുന്നു. എന്നാൽ അപ്രതീക്ഷിതമായ രാജ്മോഹൻ ഉണ്ണിത്താനെ സ്ഥാനാര്‍ത്ഥിയാക്കിയതാണ് നേതൃത്വത്തെ ചൊടിപ്പിച്ചത്.

രാജ്മോഹൻ ഉണ്ണിത്താനെ സ്ഥാനാര്‍ത്ഥിയാക്കിയതിൽ അടിയന്തര യോഗം ഡിസിസി വിളിച്ചിട്ടുണ്ട്. എതു തരത്തിൽ പ്രതിഷേധം അറിയിക്കണമെന്ന് നാളത്തെ യോഗത്തിൽ തീരുമാനിക്കും.

അതേസമയം കാസര്‍ഗോഡ് മണ്ഡലം ലഭിച്ചത് നിയോഗമാണെന്ന് രാജ്മോഹൻ ഉണ്ണിത്താൻ പ്രതികരിച്ചു. കാസര്‍ഗോഡ് യുഡിഎഫിന് ബാലികേറാമലയല്ല. നിലവിലെ രാഷ്ട്രീയ സാഹചര്യം യുഡിഎഫിന് അനുകൂലമാണെന്നും എൽഡിഎഫിന് തിരിച്ചടി നൽകുമെന്നും അദ്ദേഹം പറഞ്ഞു.