Makara Jyothi 2019: మకరజ్యోతి దర్శనంతో మార్మోగిన శబరిగిరులు

lakhs of ayyappa devotees witness makara jyothi darshan at sabarimala

Highlights

  • శబరిమలలో మకర జ్యోతి దర్శనం.
  • పులకించిన భక్తజనం.. తెలుగు రాష్ట్రాల నుంచి లక్షలాది భక్తులు.
  • అయ్యప్ప నామస్మరణతో మార్మోగిన శబరిగిరులు.
బరిమలలో మకరజ్యోతి దర్శమిచ్చింది. భక్తజనం పులకించిన పొన్నాంబలమేడు కొండపై అయ్యప్ప స్వామి జ్యోతి రూపంలో భక్తులకు దర్శనమిచ్చారు. జ్యోతిని కనులారా వీక్షించిన భక్తులు తన్మయత్వంతో పులకించి పోయారు. మకర జ్యోతి దర్శనమివ్వగానే అయ్యప్ప శరణుఘోషతో శబరిగిరులు మార్మోగిపోయాయి. మకరజ్యోతి దర్శనం కోసం శబరిగిరులకు భక్తులు పోటెత్తారు. మకర జ్యోతి దర్శనం నేపథ్యంలో ట్రావెన్‌కోర్ దేవస్థానం భక్తుల కోసం ప్రత్యేక ఏర్పాట్లు చేసింది.

పంబానది, సన్నిధానం, హిల్‌టాప్‌, టోల్‌ప్లాజా తదితర ప్రాంతాల్లో మకర జ్యోతి దర్శనం కోసం ట్రావెన్‌కోర్‌ దేవస్థానం ఏర్పాట్లు చేసింది. మకర జ్యోతి నేపథ్యంలో అయ్యప్ప స్వామికి ప్రత్యేక పూజలు నిర్వహించారు. స్వామివారి తిరువాభరణాలను సాయంత్రం 6 గంటలకు సన్నిధానానికి తరలించారు. సాయంత్రం 6.30 గంటలకు దీపారాధనతో తిరువాభరణ ఘట్టం పూర్తయింది. అనంతరం పొన్నాంబలమేడు కొండపై జ్యోతి రూపంలో అయ్యప్ప స్వామి దర్శనమిచ్చారు.

మకరజ్యోతి దర్శనాన్ని చిత్రీకరిస్తున్న భక్తులు

మకర జ్యోతి దర్శనం కోసం తెలుగు రాష్ట్రాల నుంచి లక్షలాది భక్తులు తరలివెళ్లారు. కేరళతో పాటు కర్ణాటక, తమిళనాడు తదితర రాష్ట్రాల నుంచి కూడా భక్తులు శబరిమలకు పోటెత్తారు. జనవరి 19 వరకు అయ్యప్ప స్వామిని దర్శించుకునేందుకు భక్తులకు వీలు కల్పించారు. 20న పందళ రాజవంశీకులు స్వామివారి దర్శనం అనంతరం ఆలయం మూసివేస్తారు.