பணமதிப்பு நீக்கம், ஜிஎஸ்டி மூலம் பொருளாதார வளர்ச்சி பாதிப்பு …

india's economic growth held back due to note ban, gst: raghuram rajan

Highlights

பணமதிப்பு நீக்கம், ஜிஎஸ்டி ஆகிய இரண்டு அடுத்தடுத்த அதிர்ச்சிகள் பொருளாதாரத்தின் மீது கடுமையான பாதிப்பை ஏற்படுத்தியது. மாதம் தோறும் 10 லட்சம் புதிய வேலை வாய்ப்புகளை உருவாக்க வேண்டும் என்றும் வலியுறுத்தினார்.

மத்திய அரசின் பணமதிப்பு நீக்கம் மற்றும் ஜிஎஸ்டி ஆகிய நடவடிக்கைகள் காரணமாக நாட்டின் பொருளாதார வளர்ச்சி கடுமையாக பாதிக்கப்பட்டுள்ளது என்று ரிசர்வ் வங்கியின் முன்னாள் ஆளுநர் ரகுராம் ராஜன் விமர்சித்துள்ளார்.

அமெரிக்காவின் கலிபோர்னியா பல்கலைக்கழகத்தில் நடைபெற்ற இந்தியாவின் எதிர்காலம் குறித்த கருத்தரங்கத்தில் ரகுராம் ராஜன், கலந்துகொண்டார்.

அப்போது பேசிய அவர், “பணமதிப்பு நீக்கம், ஜிஎஸ்டி ஆகிய இரண்டு அடுத்தடுத்த அதிர்ச்சிகள் இந்திய பொருளாதாரத்தின் மீது கடுமையான பாதிப்பை ஏற்படுத்தியது” என்று கூறினார்.

இந்த இரண்டு நடவடிக்கைகளால் பாதிக்கப்படும் முன், 2012 முதல் 2016 வரையான 4 ஆண்டுகளில் இந்தியா வேகமான பொருளாதார வளர்ச்சியைப் பெற்றது என்று சுட்டிக்காட்டிய அவர் 2017ஆம் ஆண்டு சர்வதேச பொருளாதாரம் உச்சத்தை நோக்கிச் சென்றபோது, இந்தியாவின் பொருளாதாரம் சரிவு கண்டது என்றும் குறிப்பிட்டார்.

தற்போதையை சந்தைக்கு 7% பொருளாதார வளர்ச்சி போதாது என்றும் இன்னும் மாதம் தோறும் 10 லட்சம் புதிய வேலை வாய்ப்புகளை உருவாக்க வேண்டும் என்றும் வலியுறுத்தினார். மேலும், அடுத்த 10-15 ஆண்டுகளில் இந்தியா புதிய பொருளாதார வளர்ச்சியை பெற வேண்டியிருப்பதாகவும் ரகுராம் ராஜன் தெரிவித்தார்.